Gouel loc’han ar Redadeg

Gouzout hiroc’h war « Buhez ar c’hlasoù » 1añ a viz Mezheven 2016
loupe

D’ar gwener 29 a viz ebrel e oa en em gavet holl klasadoù skol Diwan Naoned a-gevret gant skolioù brezhonek all Liger-Atlantel e Sant-Evlan e-kichen "sillon" Breizh evit lidan loc’han ar Redadeg evit ar brezhoneg.

Debret oa bet e ti Mari c’hlazioù, graet c’hoarioù a-gevret gant ar skolioù all, kanet ton ofisiel ar Redadeg "huch ta Redadeg".

Bugale rummad ar re grenn hag ar re vras klas Olier o deus dibunet gant ar pennoù-bras o deus savet.

Savet e oa bet pep a vazh-test gant ar vugale ha gant ar vazh-test-se e oa loc’het ar Redadedig : 1 km evit ar re vihanan, 3 pe 4 evit ar re vrasan o redek holl asambles evit ar brezhoneg.

Pa oa echu e oa bet eskemmet ar vazh-test gant ur bugal all. Plijadur vras zo bet an deiz-se. Kalz bugale zo retornet deus an noz evit loc’hadeg ofisiel ar Redadeg ar wec’h-man.

Prenet e oa bet ur c’hilometr deus ar Redadeg gant kerent meur a glas. Da 7e beure e oa bet redet gant kerent ha bugale kalonek kilometrad klas Olier. Un hanter eur dale a oa gant ar Redadeg setu oa bet ret gortoz un tamm er yenijen met plijadur zo bet o redek hag o erruout e Guemene-Penfao.